Dr Huw Lewis BA Prifysgol Cymru MA Prifysgol Cymru PhD Prifysgol Aberystwyth

Mae diddordebau ymchwil Huw yn cynnwys: damcaniaeth wleidyddol normadol; trafodaethau'n ymwneud ag amlddiwylliannedd a chenedlaetholdeb; gwleidyddiaeth iaith a gwleidyddiaeth Cymru. Ar hyn o bryd mae'n ceisio datblygu ei ymchwil doethurol drwy baratoi cyfres o gyhoeddiadau'n canolbwyntio ar ddimensiwn normadol yr ymdrechion i adfywio ieithoedd lleiafrifol. Yn benodol, mae'n ceisio sefydlu pa fath o fesurau adfywio y gellir eu hystyried yn dderbyniol o bersbectif ryddfrydol-ddemocrataidd. Ymhlith y cyhoeddiadau a ddylai godi o ymchwil o'r fath mae monograff, â'r teitl arfaethedig Liberalism and Language Revival.

Proffil

Ymunodd Huw â'r Adran Gwleidyddiaeth Ryngwladol yn aelod o staff ym mis Medi 2009. Cyn hynny bu'n astudio yn yr adran fel myfyriwr israddedig ac uwchraddedig. Roedd ei ymchwil doethurol, a gwblhaodd ym mis Mai 2009, yn canolbwyntio ar y dimensiwn normadol mewn ymdrechion i adfywio ieithoedd lleiafrifol. Roedd y gwaith yn derbyn cefnogaeth dyfarniad ESRC 1+3. Elwodd hefyd ar gyfnod yn ysgolhaig ymweliadol ym Mhrifysgol Queens, Ontario; cyfle a gododd yn dilyn gwahoddiad oddi wrth yr Athro Will Kymlicka. Mae Huw yn siaradwr Cymraeg a Saesneg rhugl ac yn addysgu ac yn goruchwylio yn y ddwy iaith, ar lefel israddedig ac uwchraddedig.

Goruchwylio PhD
Damcaniaeth Wleidyddol Normadol

Amlddiwylliannedd

Gwleidyddiaeth a Pholisi Cymru

Gwleidyddiaeth Cymru